我決定要去滾

有人話:「十個男人, 九個去滾」
而我, 大概也難逃「去滾」的命運. 你可能話:「有D野自己可以控制, 你唔去某 D地方, 唔單獨相處咪 ok lor.」但有 D野是不能自制

據說那些變態殺人狂魔在犯案之前都會在 blog / 討論區分享他的心路歷程. 我想這用來警方事後孔明管用, 但豈能預防? 每個人一生也許總有至少一刻曾想過殺人罷? 至少我在玩 Call of Duty 時曾想過殺死電腦兵.

至於我, 在臨去滾之前, 也留隻字, 但只怕無人能 stop, 禁止和防止我去滾 .
(幫幫忙, 不要告發我 )
學那些電視劇大反派大聲講:「我自己都唔想, 係你逼我架.」

當牛頓發現地深吸力之後, 就解釋到許多物理和科學現象, 例如為何一個人不能開心到飛起, 或者跌低左起唔翻身. 所謂一失足成千古恨, 滾完之後可能真的起唔翻身 但男人就係這樣, 就算可能起唔翻身, 仍然想去滾 .

「咪住! Billy好似未結婚(亦沒有同居蜜友). 就算沾花惹草, 又點算滾?」

Billy 明天去滑雪, 是初哥, 滑雪不就等於去滾么 ? 他有可能由藍山上滾到獅子山下, 來個大滾特滾, 滾完之後, 可能起唔翻身. 好驚, 但又想滑雪.

多年前試過玩 cross country ski, 即行路徑式的滑雪, 途中一個 1.5米高的斜坡滑下, 也滾到一扑一碌, 連普通平路也不滾自扑.
加上前幾日先扑完(參美中不足), 心有餘悸. 所以今次好驚, 但又想滑雪.

找來 Wii Fit Ski做點 balance practice, 假如 Wii bowling 200分到 real bowling只有70-80, wii fit ski 肥佬變 snow ball, real ski又會如何, 真不敢想像.

我不想去滾架, 但有 D野是不能自制, 係地深吸力逼我架.
請為我祈禱 .