文不聊生

學西班牙文，令經常被人覺得講野多多的我，忽然間談吐變得
字字鏗鏘，像個有權柄的溫家寶溫爺爺(不像文士)，心懷民間疾苦，怕你聽唔清我肺腑之言，才逐隻逐隻字說出来. 多么的體貼，多么的親切！

課程由公司貼錢貼時間補送我將來去南美/歐洲做宣教，不折不扣的"非勢力，非才能，乃靠主的靈成事"(註一) 只上了幾堂，就有幾百個生字，呢雲死得.

碰巧上兩周勁忙: 公司system implementation, 教會預備主日學，籌辦北灣團年飯以及團契查經， 還要隔日鏟你幾鑊雪，鑊鑊金.....

向主耶穌哭訴，求主俾比你聰明伶利，快高長大.....原以為"重壓愁苦主體恤我，危難裡常抱緊我" tim！誰知慘被聖靈透過讀經，"串"番轉頭(如太刺耳，你當衪提醒我罷！)，祂要我記起一件不堪回首的往事....

2011年尾轉工宏利，起初還勉強追得上，老細還讚我快上手，愛發問，又改善了某些漏洞等等.

後來要籌備婚禮，及有同事生仔放產假要做埋佢果份，令到追上進度和再學習，變成應付式的交功課，一心只想做完今天的事，放工，趕下一輪(備婚當然重要，我enjoyed 的. 我也曾說，這是拍拖直到將来養仔教仔我和minnie最大的合作+經歷神的機會)

返新工有所謂半年的蜜月期，老細同事把你當做新人，肯教你，你唔識，你唔記得，你發問，通常都會接納你，肯忍你.
過了一段日子，假如你仍然追不上，臉色和耐性就會隨著日子向壞方向改變.

i just missed it

渡蜜月，人在巴黎，已經知驚.
九月重返公司，任我九牛二虎之力，花多九倍時間，也改善了多個reports, 可惜已覆水難收.

聖靈提醒我，我唔可以讓案件重演. 

箴言話，我們要找螞蟻做老師，不是因為螞蟻勤力，乃是因為牠們懂得幾時(夏天)搏老命，好叫冬天存活，一到冬天？你想勤力，sorry,你冇餐屎(chance)

我有時間更勤力，只係肯唔肯. 唔諗咁多，學幾多就幾多，同我押盡佢.

聖靈串你，你可以點？咪有樣學樣，學串生字

註一
此經文是所羅巴伯重建殿(建堂)時遇上人力財力勢力短決時，先知撒迦利亞對他的宣告. 最後殿奇妙地不費一毛，由"不信主的政府"出錢出力完工

可parallel  to billy study spanish 上，當然，要超勤力，同當時一樣.