幾年前曾經問個 x-manager, 強積金壇野係點?
X:「買個薄餅比我.」
Billy:「薄餅?」
X: 「我將個薄餅擲埋牆然後你嘗試砌番一模一樣, 假如你 ok, 就研究到強積金壇野.」
有次 X同我講:「要了解強積金 report, 比駱駝穿過針眼, 又或者研究一支針上面企到幾多個天使更容易...」(滴汗 lor)
今云個同事走, 走之前話:「好簡單乍, 我做晒, 你淨係叫人簽名就 ok.」
點知個核數屍話:「點解份 custodian (代管)report 的基金價位同份基金年報價位唔同.」嘩! 我點知? 同埋最火係: 你又唔早講!! Deadline先講, 你點核數?
查 左成日, 先找到個核數屍講果十幾個數. 打開本厚厚的基金年報, 一邊對數, 一邊恥笑 D基金投資屎雞. 「乜都買, 上面既朋友(雞金部 8樓, 我7樓)你知點知自己做乜?」睇到一度, 原來公司有買 Google, 哈哈哈, 不過, 更大發現是: 公司 Google D 貨都唔 Billy 多. 忽然間好有成功感, 覺得自己居然多錢過公司, 哈哈哈.
其實唔係真, 不過做到好疲累, 當做鼓勵.
除左強積金壇野, 隔離投屍部被炒之後, outsourcing team (外判部) D數對到我死, 但冇個岩. 2個月, 都係果個死樣, 依然錯漏百出, 第二季我都唔知點死.
開會開左幾次, 教埋佢做, 又話叫佢唔洗驚, 你唔識, 我坐你身邊, 教到你識為止. 點知一個屈尾十, 仲夠膽死push back D 工作俾我個 team, 唔 Do 喎!
豈有此理
, 我做晒 D野, 要你做乜? 新來新豬肉
, 學人咁大聲! 於是, 走去同老細投訴, 結果, V.P. 走去鏟佢.何必敬酒唔飲, 飲罰酒呢?
依然果句, 你唔識, 我坐你身邊, 教到你識為止.
但係要伸出友善之手, 我先可以同你握手 lor.
No comments:
Post a Comment