遊花園(上)

公司中午放食飯, 我的部門非常自由. 放半小時 ok, 放一小時 ok, 放個生小時亦 ok, 總之下午遲些放工補鐘, 又不阻到開會(if any)就 ok.
早食飯, 遲食飯也是非常自由. 真好.

那日, 午飯時間去了遊花園.

同班同事一齊遊花園, 竟然碰上「同事三分親」裡面的黃花.

Farewell 某同事的離職, 去老遠的餐廳食, 所以經過公園.

他們話可以出車去, 但有機會散步, 曬太陽, 當然不坐車.

欣賞下公司附近的景色, 加拿大居然有櫻花.

想不到 Yonge 街的屋又大又靚.

7 道門再加雙車房, 9道門, so crazy. 但九門提督.
假如上演 Home Alone, 有賊入屋, 問你點擋?

遊艇, 聽說不太貴, 將來有多點閒錢, 一定買隻靚 D, 有空就出海, 泛舟西湖.

行了15分鐘, 終於走到餐廳.

裝修不錯.

西人喜歡歎番杯, 歎夠才食.

麵包其實用來送啤酒.

我就喜歡叫冰水, 一來將 budget 谷盡食主菜, 二來少食糖對身體亦健康點.

麵包是用來送牛油的, 唔健康? 媽豬玲, 應該 ok, 冇牛油的麵包? 你食 lor, 我就唔食. 義大利人的麵包冷冰冰, 硬硬的, 始終愛吃港式茶餐廳的麵包會叮熱, 有些還會有提子.

同事叫三文魚沙律.

亦有位同事叫 Grill 烤三文.

我想食豪 D, 獎勵一下自己.
叫了一個 Grill Cajun Salmon. Cajun 這種香料有點辣.
冒險試試, 笨一次又何妨, 差極它都是三文魚, 但如果發現新美食, 就肯定大快人心.

但一見黑柴般的賣相, 令我又點滴汗.

飯有點 creamy, 但簡單的白飯更適合我.

薯菜就好, 顏色夠靚, 好新鮮, 而且烹調火侯適中.

外面燒得乾脆, 切開塊三文, 原來裡面肉質仍鮮甜, 香科帶點辛辣, 正. 果然冇試錯. 又一個 low risk, high return 的投資成功.