店名頗攪笑, 漢語是單名一個「宮」字, 老細將韓文店名「궁」. 遠看像個美術字體寫成的「子」字, 「宮」「子」「宮」「子」, 哈哈, 這樣不雅的店名, 真有趣
.實質是宮庭宴的意思.
去韓式燒烤店, 當然食燒烤.
同高麗村這類呢D港式韓燒唔同, 牛本身冇乜點調味, 要快快的燒, 慢慢的嚼, 用心同用口去感受, 但求每一次都食出牛既果份原汁原味, 經歷最原始既風味.
食韓國野又點少得一眾前菜呢?
今次有8碟: 籮白, 粉絲, 泡菜同苦瓜. 泡菜我鐘意食比較濕身, 辣味入口即化, 而且食到菜既青甜果種. 呢隻算合格.
芽菜, 豆腐, 青瓜同咸魚花生. 呢間D咸魚唔夠公司隔離果間 Ewa (梨花)咁好食.
立魚刺身沙律, 送架!!! 首先將生菜, 立魚, 辣醬同魚子撈云, 先至食.
如果唔係送, 真係唔識叫. 太好 la, 太 out of expectation la, 我幾乎食晒成碟.
CAD$22.5 燒短牛骨 (order 2 portion at least)
牛肉切得厚厚的, 除左更加享受燒烤既樂趣, 切得厚如果D肉差少少都入唔到口, 冇得偷雞. 加埋洋蔥, 嘩! 真係香噴噴.
看!! 四個人, 叫的菜式和送的菜式, 擺滿全枱, 完全超出預算.
燒短牛骨亦附有一碟新鮮菜.
一口肉一口菜, 彷似洗滌心靈既感覺.
海鮮湯, 又係送.
石頭Bibimbop CAD$8.95
一個我非常喜歡食的飯. Bibimbop即撈飯的意思.
紅羅白絲, 青瓜絲, 冬茹絲, 牛肉片, 太陽煎蛋, 飯, 加辣醬, 然後撈呀!
飯焦脆得黎冇痴住個碗, 控制得唔錯.!
三文魚燒 CAD$11.95
已經食唔落
餃子, 又係送!! 感動到哭出來, 但真是有心無力. 雖然最後都食清.
再見!! 要重温今集內容, 請將滑鼠向上移動.
No comments:
Post a Comment