縮水悠長假期 day before

計劃了大半年, 終於決定告假一星期, 去不用計劃的巴士旅遊 - 美東四天團. 故名思議, 巴士旅遊即是巴士 + 旅遊. 行程主要是在巴士上作爛瞓豬, 看書, 看電影, 其次是了解當地經濟/文化/風土/人情, 這在每兩小時走出巴士, 排排隊, 去去洗手間, 光顧快餐店當中飽覽無遺. 再次才是每日在不超過四個景點停留下...不過, 這一切都完全在不想計劃的我的計劃之掌握中.

比較自己駕車, 我喜歡搭巴士, 因為在巴士上可以不用注意交通情况「無法無天」地「為所欲為」. 巴士團還有精采屬靈操練: 學習早睡早起, 學習準時, 學習團結就是食量.

有人認為去旅行要拋開一切, 盡性享受. 我則認為盡性享受又何須拋開一切? 我總是帶上一切未完的「作業」上路. 今天放假比自己的「暑期」作業是: 1) 完成下季主日學課程準傋; 2) 完成 Philos website初部的文字編輯, 第一階段只會完成10首歌的分享, 第二階段(下季)才會完成38首原創/翻譯作品. 「暑期」作業當然要思想過去, 同神坐坐計劃將來, 還要還書「債」, 今次帶了兩本書: 楊牧谷的<<廚房神學>>和梁文道的<<弱水三千>>, 還有<<信報月刊>>8月號, 有550首歌的MP3機是不能缺少.

奧運成了, 成績表又派完了, 可以安心上路, 旅途愉快!!!

縮水悠長假期 day 1

美東四天, 8/30日晨早6點要到太古商場報到. 昨晚11點才 call白車(是白牌). Daddy 總是怕白車(是白牌)遲到, 甚至「冇到」, 到時「企係度」, 好驚好驚, 不停催促. 和他相反, 我對白車(是白牌)的反應一向是安祥的(大吉利是), 我怕Daddy整晚無法入睡, 故意call了我公司一向準時的白車(是白牌)公司, 應該穩陣. 結果, 神眷顧 Daddy亦眷顧我, 那白車(是白牌)早了3-4分鐘到步.

過關非常順利, 9時半便進入美境(是美國國境), 這次旅程領隊非常好, 一過境便播了這套movie, 片中主角去了紐約, 費城, 華盛頓...剛好是今次旅遊會去的地方, 還可以先來個美國和美國城市歷史温習.

這大半年沒有聽流行歌, 今日有機會專心留意歌詞地去聽, 一隻一隻Album去聽. 細心聽了王箢之的<<詩情畫意>>, 裕美的<<東瀛遊記>>和謝安琪的<<3/8>>. <<畫意>>的詞道出梵高一生, 為藝術而不向商業味低頭, 結果人未死作品也不出頭, 遼倒一生; <<詩情>>講到詩意出自內心以致「螢幕厚薄無改我視覺」, 「任何事也欣賞亦懐疑」才令什么都有詩意. 謝安琪的詞是周國賢的, 多是長篇大論去道出大小社會問題及都市小人物. 為何現在的詩歌變得越來越單一內容, 而流行曲反而越來越有深度和有先知風度? 是未信的人變得屬靈, 還是教會敬拜主流變得太過狹窄? 我倒不想變成另一個梵高. 但寫那類商業味這么重(是千篇一律才對)的詩歌, 又不是神對我的召命.

感謝神, 讀<<厨房哲學>>令我找到寫最新詩歌作品的頭緒. 最近為財赤傷神, 今日旅行, 在巴士上有安靜時間, 神教曉我學會放手, 如何面對過去錯誤decision, 如何解決和如何堅持信念不被外界動搖.

去了賓州鐘乳石洞一遊, , 那天然境觀的產生過程和效果, 再次令我驚嘆神的創造. 不過, 洞裡用燈光嘗試做日出日落中午的效果, 還是真正的日出日落美麗. 在旅遊局掃小冊子, 才發覺賓州都幾多景點. 在鐘乳石洞的小店買了件衫(最近買多了衫), 作個留念. 午餐, 下午茶忘了拍照, 有點遺憾 :< 晚飯中餐任食, 蟹抓好味, 其他....ok la, 錯過了它的壽司和隨點即煮食臺, 吃飽才發覺. 明天又要早起身, 好一個巴士團.

芝士火腿

一向食芝士火腿作早餐的我聽到近來令人人心徨徨的listeria bacteria, 開始因為「知死火」而不再吃火腿.

當年在璋木頭街邊食燒蠔, 在北京王府井食黑色臭豆腐, 又或者在香港地鐵口食咖喱魚蛋, 鹵味, 炸大腸...都是心中有數, 那怕它們有多麼不潔淨, 但也甘願委身付代價. 但加拿大製造的火腿居然有毒, 還可以毒死15人, 實在太不可思議. 多少人指責「中國製造」, 什么毒餃, 毒菜, 都沒有死這么多人, 可見天下烏鴉一樣黑, 本質一樣, 不同的只是: 信心不同而矣.

新聞話 listeria bacteria可以潛伏90日之多, 看情形, 公眾恐慌甚難避免, 盼望染感個案不會太多, 亦盼望這種病毒不會傳染, 不然的話, 只怕比SARS還可怕.

當年幾個小朋友飲維他奶後不適, 都「有排衰」, Maple Leaf肉食公司肯定「一身蟻」, $20M單是賠償都肯定不足, 找到病源, 消毒和改進又要花多少? 個「朶」臭了, 要多久才能「回香」更是天曉得, 真慘!! 真慘!!

假如連食火腿也不能有平安, 也可致命, 有些人為了健美而過份克飲克食又有何用? 「火腿食唔死, 望下左望下右」, 三個人之中, 遲早有一個會患癌病. 何不吃好喝好?

One World One Dream (3)

北京奧運前夕/期間, 有一邦人認為體育不應和政治混為一談, 在容許抗議同時堅決反對各樣借民主/人權/環保/獨立而生的破壞聖火傳遞/暴力衝突行為. 另一邦人認為奧運和政治的關係千絲萬縷, 跟本不可能不談及政治, 既然分不清, 何不借奧運而表達各種訴求, 爭取傳媒/普羅大眾注意, 對他們訴求的關注重視?

有關奧運和政治的關係, 以及奧運是否不應談政治, 不如了解一下古代原本的奧運如何來作今日的借鏡.

奧運源於古希臘, 避開神話傳說不談, 當時希臘是城邦各自為政, 有時各顧各, 有時同盟, 有時戰爭. 但由於希臘人熱愛體育, 國家元首又為了避免年年爭戰, 才漸漸定出4年一次的奧運會來. 在奧運期間, 暫時停止戰爭, 放下不同的政見, 各城邦運動建兒(其實也是軍人)聚在一起, 不在戰場而在競技揚上決一高下. 所以, 奧運成立的確源於政治, 與政治的關係也的確是盤根錯節, 但奧運精神卻是放下不同的政見, 以運動一決高下. 是單對單的比拼, 而不是人多欺人少, 又或是軍備大競賽. 所以, 奧運是在戰爭中和平的實現, 亦是小城邦能與大城邦公平決鬥的機會.

反對在奧運前夕/期間將體育和政治混為一談是奧運精神的體現, 但不代表可以無法無天. 認為奧運不能和政治分割的是奧運本質的實况, 但彼此在這段時間暫時放下政冶/民生的執著, 用和平公正而非暴力抹黑的手段表達訴求, 有商有量, 才是奧運目的.

這樣看來, 中國政府和西方傳媒/各方訴求者都要努力學習中庸之道. 其實中國政府過去努力改進, 是有目共睹, 當然仍有許多地方要繼續努力改善, 西方傳媒又能否借今次奧運體會到, 報憂不報喜只會令雙方關係更惡化的簡單道理?不過假如要嘩眾取寵, 營合西方主流的仇華疾華觀念, 以維持慣性收視, 傳媒又怎肯放過每個報道中國負面新聞的機會呢?

君不見楊沛宜和林妙可小妹妹一曲<<歌唱祖國>>, 第一, 這是小題大做, 要將一個olympic game開幕表演中一個小環節無限上綱. 第二, 眾記者明明一早在採排時就知道有幕後代唱, 甚至所有現場觀眾都知道, 透過開幕場刊都清楚明白, 楊沛宜小妹妹名字印在唱歌名單第一位), 沒有任何做假, 卻被傳媒明知底下, 在開幕之後兩日當獨家新聞般大大抹黑, 這份成見和用心就清楚不過.

神會伸張公義, 傳媒公信力日差, 令新聞讀者/觀眾流失, 盈利亦隨之不斷下降. 中國假如不大力改善環境, 民生問題, 以及聽取/開放申訴平台, 富強之路最終亦會停頓不前, 甚至加速走向衰退.

08年 Summer Licious之後

7月中同弟兄姊妹去了downtown summer licious. Summer licious之後, 他們想去唱K, 我又沒有興趣, 於是大家去了酒吧(其實我想回家, 但去酒吧亦無妨).

我們叫了一大瓶啤酒, 乾飲太悶, 大伙兒玩「大話骰」, 輸了便要罰飲一杯. 除了同事fairwell party, 間中去酒吧飲兩杯外, 從來不去酒吧, 在家中歎紅酒白酒倒是常有.

不去酒吧, 那些猜枚遊戲和五花百門的罰飲原因真叫我大開眼界, 學了不少. 本以為喫珍珠奶茶的小店才越夜越熱閙, 原來酒吧亦一樣.

更有趣是: 那些猜枚遊戲變一變, 就變成有趣團契遊戲, 沒有人告訴我, 我根本想不到呢? 其實在許多事情上, 用在正當的地方上, 就能服事神和人. 世界上有好的遊戲可以引入團契, 在主裡在教會中好的生命又如何影響和改變社會/世界? 除了一味傳福音, 福音本身的大能是什么? 難道僅僅上天堂, 叫人入教會?

成績表

「死啦﹐派成績表喇!」「派之嘛！又唔係考, 考果陣都唔駛死啦！」

今次考兩科, 星期一(8/25)同星期三(8/27)出分, 希望ok. 星期一果科應該 pass, 但唔見得靚仔, 星期三果科應該可以 above expectation. 一諗到派成績表就會諗起Twins首歌<<沒法做足一百分>>, D歌詞好有提醒:

怕你情緒不好　我這大考都退步 據說能吃餐好病亦會好　能刨書的高人 共他比跳舞　或者他轉背便跌倒

哪怕誰看不起　來求學只因趣味　我鑽研我的功課未和別個比 旁人的不理　我做我自己　冠軍怎夠你　游泳後那種美

* 不要緊　不要緊　沒人在每科都得到一百分 可以等　可以等　高與低等但求做足不枉等(一)等 難道有名次　溫書先開開心 換獎金獎品　要是有用過心　計甚麼積分

你那名次偏低　然而內心很美麗　你有權替他高興內涵未算低 誰人講比賽　努力才是威　計分牌太細　難評定你一世

我話　我話（名言名言）不必怕低分 （這道理不深）記住　記住　只需要好品

我話（名言名言）今天怕低分　以後　以後　才能考到更高分

心意更新?

同朋友去Eaton Center揀衫, 試衫同買衫.

講到 Fashion, 最近開始留意些時裝品牌, 去shopping mall購物亦會走入Fashion store逛一逛. 想在云云品牌中揀一個, 日後買衫不用煩惱. 個人比較熟識同留意 Esprit同America Eagle, 問不同朋友, 各有各的見解, 都覺得 Esprit同America Eagle大眾化, 無什特別, 以同等質料同出名程度比較起來, 價錢不是最化算....居然有人介召我多留意一下 Louis Vuitton. Louis Vuitton是皮革品牌, student zone不少人是她的擁護者, 卻不曾聽說她有時裝, 不過能夠如此具吸引力, 倒值得我多多認識了解.

話說回來, 入fashion store但甚少買衫的我, 忽然買衫, 自然有點不慣. 不習慣是過去走進 fashion store, 從來沒有以一個顧客的心態去閒逛, 忽然做起顧客, 感覺好古怪. 有種好陌生但又非常熟識的感覺, 對fasion的確是完全不懂卻又似乎暸如指掌. 情况就好似當你知道汽水既製造過程: 85%水再加14%糖漿, 1%調味料, 打氣, 入樽到發售, 成本低而利錢高...當你再飲汽水時, 會不會有另一種感覺?

或者要一段時間先可以將這種心態轉一轉, 能夠平衡消費者和資本家兩套人生哲學與行為, Billy還要繼續學習.

無論如何, 感激這許多朋友, 在fashion上比我的意見和提醒.

One World One Dream (2)

8月8日星期五5點就起身, 6點出門接人, 同 Ronald約定7 點鐘到Yonge & Highway 7 果間 Sliver City等齊, 去戲院 big screen, big sound, big seat, 3000人睇奧運開幕. 7 點鐘去到, 見到停車場就知勢色唔對, 人山人海, 車水馬龍.

好唔容易先搵到個位泊, 跑呀! 跑呀! Sliver City周圍打左個大大既「蛇餅」, 小說亦有成千人. 一路排隊, 有傾有講, 時間一刻一刻過去, 我地一步一步走近戲院正門, 真叫人興奮, 遠遠見到果D依家先駛入停車場既人, 不禁起左一絲幸災樂禍既心態, 心諗:「咁遲, 抵死.」

現眼報係: 收到秈戲院己經滿座, 淨下不到半個鐘, 眼見條隊仲郁緊, D料係流定堅, 我地係走定係留呢, 要快做決定. 5分鐘後, 更加唔對路, 唯有走 :< 自己告日假, 神咁早起身都入唔到場, 唔通依家返工? 當然咁甘心. 慶幸前面仲有500人「陪葬」. 走之前, 跑到正門同福娃影張相.

門口隻福娃酷似吹氣公仔, Ivy忍唔住摸下佢, 點知原來裡面包住個人, 真係估佢唔到. 因為人太多, 逼得太緊, 連本來只應該高叫:「中國加油!!」既福娃都不停怪叫:「唔好推, 我就跌.」真係大吉利是.

要入停車場難, 要走都唔易, 塞左好耐, 趕到 Ronald屋企, 奧運已經開始左20分鐘, 仲要聽埋 Eric講點精采, 點精采, 但我全部 miss 左, 真無奈. 第一次咁完整咁睇晒成個 Opening, 正!! 簡直嘆為觀止, 讚不絕口. 旁述話Opening入場費要加紙$700, 嘩!! 咁貴, 唔計頭廿分鐘, 淨係睇後半部表演就覺得值回票價.

運動員出場, 亦係我地成班瞓下教既時侯, 估唔到佢一係唔行, 一行就成兩個鐘. 雖然唔係整個 Opening都咁緊張剌激同精采, 但可以同成班 friend睇, 悶既部份都覺得唔錯. 仲遇到個「傻佬」叫 Ronald, 用部相機對住自己部電視不停咁影, 話係好似現場影相....

One World One Dream (1)

星期三同老細講, 要take Friday off, 理由係:「我要睇奧運開幕.」

同事成日半開玩笑式批評北京既天氣同中國既人權狀況. 我同佢地講, 我唔識乜野污染指敖, 但我去過北京, 天氣冇傳媒形容同報道得咁差.

圖片中灰灰既天, 可以係「污染」, 亦可以係薄霧, 4年後在霧都倫敦舉行既奧運難道就不是「一樣的天空」? 中國政府好努力咁改善環境. 傳媒取笑中國短暫將車流量 cut一半, 叫北京周圍工廠停工, 係治標唔冶本. 但傳媒有報道過中國環保法, 關閉唔合標既電廠煤礦工廠, 限制工業用水, 改善同污水處理, 發展新興能源, 計劃建立環保村...傳媒報道過幾多呢?

唔嘗試數歐美國家自身既人權問題, 果種其身不正. 西藏動亂, 那些屬極小數但極凶殘既藏民拿住刀, 見漢民就打就殺, 遇漢家店就搶掠破壞, 是暴動而不是和平示威, 可以不防暴嗎? 假如英國警察經常鎮壓球迷是道理, 新彊東突恐怖襲擊又應如何處理呢? 今年政府推勞工法, 推醫療改革, 都是有心有行動, 果效成效尚有待檢討. 如果加拿大去年(過左百年)才向鐵路華工&家屬道歉, 要中國人權在幾年內脫胎換骨根本無可能. 任你邊個國家高層都知道無可能卻要借奧運如此逼人, 哈哈, 醉翁之意不在酒, 就變得更明顯. 國家上下和睦以及照顧各方大小訴求係以時間換來, 欲速則不達, 中國不可以亂, 不可以分裂. 亂了, 分裂了, 西藏百姓, 新彊百姓以致所有中國人民就更苦. 這是西方國家睇唔見既盲點.

為左北京市容而對老胡同某些窮苦百姓於不顧, 強制逼遷, 是中國政府的不是. 此舉也屬不智, 老胡同是北京城的特色, 是跟國際大城市與別不同的標誌之一, 高樓大廈, 石屎森林中有一古舊建築, 有何不可? 假如為在一塊地皮既價值而放棄自身unique style, 實屬短視.

美國為了成為經濟強國, 過去幾十年浪費無數地球資源, 中國人口是美國的6倍, 如果再走回美國資本主義的舊路, 就不堪設想. 但環保要時間, 也要金錢, 要放棄短暫利益. 當中國10-20年後由工業轉型服務業果陣, 環保可以為我們製造一個有利既營商環境, 才能吸引同留住人材&內部消費.

奧運之後, 我們的路仍是難走, 仍要努力去走呀!

財政緊張

自從5月尾開始, 每月家用增加33%, 依家開始有壓力, billy Cash flow 開始入不敷支, 即使cut左financial service cost, 加上供滿今年CPP & EI所帶來額外現金, 都支持唔住. 大慨係買左部新 laptop, Wii Fit + new wii games, subscribed左 Economist令銀根短缺罷. 我想, 要抽調每月注入投資戶口既現金才支持得到.

家用增加已經令今年注入投資戶口既資金總量大減. 今年投資回報亦唔見得理想, 估計到年底會好轉, 有信心(希望)08年回報率維持雙位數字, 但金額同回報率比較06同07年, 大幅倒退係想當然.

感恩係: 今年加人工同額外收入大幅提升, 長遠而言, 可以抵消家用既增加. 08上半年利率下跌對短期現金流冇幫助, 但明年開支應該會因此下降.

Twins Effect 千機變 (第三集)

我既理論係政府應該救市, 點解? 兩房係信心問題, debt/equity ratio太高, asset wrote down 5%就變負資產, 4% decrease is not a big deal if you borrow nothing.兩房情況有D似半年前有個內地「股神」用孖展戶口以$5萬炒礦產期貨, 將本金谷大26倍, 即130萬來玩, 升4%就等如賺 6萬5, 即130%回報. 結果佢賺左900萬. 但礦產價格急跌, 佢唔放, 銀行斬佢倉. 於是佢打回完形, 淨翻4萬. 假如銀行唔斬佢倉, 第二朝反彈, 佢應該仲有幾百萬係手. 兩房有D似大炒家, 但只要有人肯注資或者繼續能夠以低息借到錢, 唔洗斬倉, 就唔會死. 目前斷供率係3.5%, 壞帳率大約係5-7%, 銀行拆率低左3%, 但mortgage rate只係跌在1-2%. 絕對支持得住. 兩房影響太大, 佢死, 所有美國銀行/信貨信心都會同時破產, 另外所有買兩房債券, 全世界既基金/銀行/主權基金/國家儲備都會死. 美國政府唔可能比佢死, 全世界既政府都唔可能比佢死.

美國依家好似一個周身係債既有牌爛仔, 忽然患重病, 所有債主怕佢死會血本無歸, 唯有科水醫好佢.

評級大細超係有政治同實際必要. 另外, 對沖基金過去篤手指沽空, 係股市create波動, 攪亂金融秩序, 禁止拋空係撥亂反正. 我係支持, 其實政府如果早D監管銀行’s lending products & risk management, 就唔會有今日.

2Q GDP rise 1.9%, inflation未過5%, unemployment未過6%, 油價回落都算差之中ok., Wages rate依然在上升, 出口強勁都係 good signs. 大城市樓價雖然跌15%-20%, 一般人較忽略既農村地皮其實升左10-15%. 我對Wells Fargo, JP Morgan & HSBC 2Q results 都幾滿意. 有人話美國熊市進入第二期, 亦有認為係第三期. No matter what, let’s pray that it won’t affect too much other than 股市 and pray that it will be over soon. 否則死得人多.

Twins Effect 千機變 (第二集)

7月31, Stand & Poor (S&P)將中國移動評級由「A」調升至「A+」, 在此同時, S&P亦考慮調低兩大房貨公司Fannie Mae (防爛尾) & Freddie Mac (防放屁)既評級.

中國移動係中國最大電訊公司, 長債少到出奇(compare to 通常電訊公司), 坐擁1,200億 cash flow, 評級 A+.

兩房 capital $832億, 但以此支持$5.2兆債務, 即資本既26倍, 點頂? 依家asset value下跌左少少(less than 10%左右), 兩房就變負資產, 但評級至令依然比中國移動高, 實力懸殊但評級類似, 唔係大細超, 係乜?

令S&P都會大細超, 兩房係乜公司? Fannie係1938年成立既國營企業, 原本為左幫補置業者同農夫. 1968年, 為左減輕政府打越戰既財政負擔, 於是才招股上市. 至於Freddie Mac係70年成立, 89年上市.

今日, 兩房其實係銀行減低借貨風險既媒介, 業主問銀行借錢供樓, 銀行再將mortgage賣比兩房, 而兩房由於有政府撐腰, 於是以mortgage做抵押, 發行100% guarantee既票據/債券, 賣比全世界, 將風險進一步分散, 而兩房則利用其信譽以及跟政府密切既關係, 接左一半美國房貨業務, 從中賺取息差. 本來兩房買返來既 mortgage 並無次按, 但近幾年公司為左催谷利潤增長, 向其他房貨公司買入風陰較高既portfolio (Fannie’s outside portfolio grow from $18.5B in 1997 to $127.8B in the end of 2007.) 又沾手 derivative, 係樓市升果陣無疑令業務多元化, 盈利篜篜日上, 一但樓市倒跌, 負資產風險就大增.

有人話政府唔應該用納稅人既錢救兩房, 兩間擺明風險管理不善既上市公司. 1) 以兩房債換政府債; 2) 唔比拋空其股票; 3) 以銀行拆息借錢. 有人形容, 這等於將政府部印錢紙機送比兩房, 正確做法係政府唔理, 等個市爆破同自己反彈, 否則, 問題會越拖越長, 最後美國會好似香港樓市咁跌54%, 而股市亦會再跌無止境. 我既理論係政府應該救市, 點解? 請看下回分解.

(香港有分析員認為美國會好似香港97年樓市咁,跌足7 年,跌54%.我認為此一時彼一時,不能一概而論.1)美國樓房轉手費用高過香港好多,交易費高會減低transaction volume,炒樓/自住比率相對較低,從而減低樓價下跌速度/斷供機會.2)當年香港維持聯系匯率,唔理小業主同銀行頂唔頂得順,利率跟美國不停咁加, 同今次美國不停減息,舒緩銀行壓力完全唔同.3)香港97年前樓市泡沫比美國勁.4)香港97年後,內地房產成為業主另一大選擇,加上兩地交通越來越方 便,令demand大增,price自然冇得升(尤其係中下價樓)
當然,香港風險管理比較好,至少次按冇咁離譜,香港人信貨亦冇美國人咁crazy,去得咁盡)

有乜咁「餃」野

Civic Holiday , 同團契弟兄姊妹去左尼亞加拉 on 湖旅遊, 感謝神, 一路同Ar lok, Ar Siu, Nelson傾計, 都幾開心, 係佢地身上亦學到唔少.

返來後, 同Daddy去Warden & Steels, Metro Square 既真東北餃子館食dinner. 近幾年來自中國北方既移民日增, 北方餃子館開到似雨後春筍, 但最喜歡始終係呢一間. 今晚叫左3個菜: 鴛鴦餃, 肥牛肉金菇煲, 菜肉雲吞湯.

食餃子要夠熱, 凍左就唔好食. 所以我通常會食完一碟再食叫另一碟. 鴛鴦餃係我經常食開, 北方以餃子做主食, 所以餃皮唔洗簿, 最緊要夠飽. 所以, 如果餃子整得好味, 其實好好, 又正又飽肚. 最討厭鼎泰豐果D所謂迷你小籠包, 裡面只得一泡水, 雞碎咁D D肉, 仲得6粒, 貴到死.

肥牛肉金菇煲唔錯, 菜肉雲吞湯係第一次叫, 有驚喜, 個湯落左D紫菜同蝦仔, D雲吞皮好滑, 雖然跟廣東鮮蝦雲吞有別, 但都好好食.

Twins Effect 千機變 (第一集)

美國次按危機, 假如只不過係令股市或手上mutual funds由高位跌左10/20/30%, 夠長命, 大概一定會升翻. 但經濟增長放緩, 經脹加劇, 失業率上升, 大公司裁員, 就可能動搖到收入, 或者日常開支既根本. 這種恐懼盡情反映在美國既消費物價指數創十多年新低, 以及世界各地既反高油價, 高經脹既示威遊行之中. 經濟好境果陣, 人追求大D既屋, 靚D既車, 又或者高D既待遇. 經濟唔惦, 就驚驚青青, 擔心比人炒, 比人凍薪. 之前洗大左, 依家擔心個個月食入, 又或者要被逼降低生活要求.

主耶穌話我地唔應該為身體憂慮食乜著乜(住係邊一得). 但經脹同裁員燒到埋身, 可以唔擔心? 經濟好可以唔居安思危, 積穀防飢? 搵到$, 嘆下都好應該...

7月10日, 早上9點幾, 有大戶大手買入9萬張Lehman Brothers $20既put option. 10點半, 市場傳出Lehman Brothers大客仔會quit, 股價即刻比人質到$16蚊以下 or 20% drop. 跟住有人係12點左右大手買入, 之前果位大戶將put平倉, 再倒賣1萬手put. 下午, 証實大客仔quit實屬流言, 股價反彈到$17.3收市. 假如所有野都係同一大戶所為, 一曰就無本生利咁賺幾十至幾百萬.

7月15日, IndyMac面臨破產, 令美國兩大房貨公司Fannie Mae & Freddie Mac財政困難浮出水面. 美國人過去洗腳唔沫腳, 不斷債台高築. 金融機構貪得無厭, 想賺多D而唔理風險, 政府又缺乏監管, 結果就釀成今次次按風暴.

次按風暴開始之後, Federal Reserve推出「防斕尾」措施: 1)減息去舒緩銀行息差(減壞帳), 會蝕本既壓力; 2)用信貨評級最高既國債去換次一等既asset back債, 令銀行impairment loss可以止血; 3) 個人退稅300億, 剌激消費, 4) 企業退稅/優惠1000億, 減輕生意不境既負擔. 不過, 投資者似乎當Federal Reserve「放放屁」, 唔係咁滿意呢D既救市方案, 美國各大城市樓價繼續跌15-20%不等, 斷供既斷供, 5月失業率又升到5.5%, 油價升到$146. 禍不單行, Fannie Mae & Freddie Mac又唔惦...究竟Fannie Mae & Freddie Mac係兩間乜野公司? 其Twins Effect又係D乜呢? 請聽下回分解.

最後晚餐

經過左8個月, 臨時老細終於要離開, 於是請左佢去食真正既中餐, 叫真正既中菜. CFO又話想去, 結果我, 臨時老細, CFO, 仲有秘書姐姐四個去食最後晚餐.

我成日諗, 當西方人唔食春卷同雲吞, 唔食雜碎同咕嚕肉, 食其他中菜, 會係鐘意走不敢恭維呢? 當我食真正既中菜, 食到津津有味, 對佢地會有幾討好呢? 反正係一餐飯, 衰左就衰左, 臨時老細既然要求食真正既中餐就叫真正既中菜比佢地.

去左hwy 400既<<雲景樓>>, 比較清靜, 叫左半隻燒鴨(穩陣D), 姜蔥生蠔煲(野味, 應該ok掛), 百花篜釀豆腐. 再叫左個蟹肉魚肚羹, 同廣東式雞炒麵(炸, 都應該ok). 結果會係點?

哈哈, 蟹肉魚肚羹, 正!! 但臨時老細同CFO一聽到係魚肚, 就驚, 唔敢食, 太可惜!! 燒鴨當然Ok (感謝神, 叫左). 麵炸既自然亦順利過關, 至於豆腐同生蠔?! CFO原來唔食生蠔(衰左tim :P)而臨時老細就唔食豆腐(又衰左).

實驗結果, 正宗係唔代表佢也鐘意!!