可唔可以飲茶?

Monday告假去睇牙, 自從返香港至今都未探過牙E. 公司個西人牙E貴到震, D units又計到足(suppose我唔應該嬲), 比佢「斬」左2年, 除左牙血亦覺得一頸都係血(好痛呀!), 決定轉翻中國人牙E :>

我D牙得到真正既更新變化, 全因我過去一年「悔改」, 竭力刷驗之故, Yeah!!

牙E話:「你飲好多茶?」Billy:「每日一杯 lor.」牙E話:「咁樣D牙就會黃架 la.」Billy:「咁係咪最好唔好飲茶?」(洗緊牙, D口水不斷飛出來) 牙E:「唔好, 飲茶係享受黎加麻. 黃D之麻, 又唔洗死, 你洗唔洗見客?」Billy:「唔洗.」(口水噴落口水堅)牙E:「咁咪得 lor, 要見果陣, 用D牙膏抹下D牙, D牙就白番...試下用牙線la, 唔難架, 嫌麻煩試下門牙先lor...」

哈利路亞, 原來牙膏就可以令D牙變白, 太大發現. 呢個牙E除左平D, 快D同洗得差唔多咁乾淨之外, 最緊要係好相與, 我buy.

嘩! 之前果個, 我來洗牙, 唔係比你嘖, 大家唔係好熟, 嘖到我千古罪人, 我有比錢, 又好痛喎! 你講得好有道理, 但都諗下我感受. 仲有, 如果我D牙咁惦, 惦到好似卡通片男主角咁一笑「叮」一聲閃完再閃, 我都唔洗來睇你, 如果個個都咁閃, 你仲邊有生意?

Anyway, 洗牙即使成功, 刷牙仍雖努力!! 加油!!

天涯何處不相識?

Rosline問返唔返church打羽毛球. 我一向都唔係咁想, 理由係1)我樓下有得打波; 2)教會D人打波好勁, 成日執波, 好冇引 :< 不過, 有人陪做運動, 去跑下都好.

不出所料, 連女仔都勁到飛起(唔好話你屎).

打完波問我去唔去飲野. 「ok!邊個去?」(come on, 除左阿But同阿Bit , Wayne , 冇個識)有趣原來佢地去fairwell個朋友go back hong kong for good. 我唔識佢但又有幸fairwell佢, 真攪笑. 不過人生就係咁, 我畢業有廿幾個朋友出席, 同我一齊映相同恭喜我, 但有十個人係我唔識, 但又同我合照. 今晚情況一樣, 只係角色調左.

當介紹果陣, 我話我叫「Billy」, 有個女仔忽然問:「你係果個Billy?」(好驚, 點解成日有人認得我, 但我從來唔認得人?)

原來有一個晚上, Kitty打電話比我, 話正同個朋友寫首歌比個fairwell既friend, 叫我比意見, 果個朋友仲有果個fairwell既friend就係佢地. 真係世界真細小, 感謝神, 平時冇得罪人多稱呼人少, 如果唔係死硬.

Fairwell一樣令我感到希奇既係: 我從來未試過一圍檯十幾中國籍男子女子, designers人數多個finance人同com sci人, 怎能如此? 實在太不可思議!

Anyway, 希望回歸既Julia, 留低既desingers/account人 etc etc都能然向自己既理想走近一步, if有機會又向神既認識走近一步.

原來同一班陌生人fairwell一個認識唔夠一個鐘既「陌生」朋友, 感覺真係幾特別.

我的眼睛濕濕的(2)

剛剛讀完了啟示錄, 有一段提到天上的一次敬拜. 當他們要打開書卷誦讀之前, 有四匹馬走出來: 白馬出來得到了政權; 紅馬出來以戰爭奪走了和平; 黑馬出來計算通貨膨脹的可怕; 灰馬出來有刀劍/饑荒/疫症...這令我聯想到今天的世界. 「麥子, 大麥貴了, 油和酒不可蹧蹋.」(6:6) 當然, 它提到的油大概不是石油罷. 但石油的確比生油炒得貴多了, 連聖經未提過的大米也貴多了!! 今天去茶餐廳, 意粉改飯居然要收伍毛錢(RMB$3.5)的附加費, 可怒也!!

中東, 阿富汗以及非洲許多國家的內戰; 多國人民因糧食價格的暴動; 癌症, 心臟病, 愛滋病, 以致怪病如伊波拉/SARS/禽流感/西尼羅, 和最近的手足口; 還有南亞海嘯, 緬甸風災和西川地震; 天氣反常, 和暖的華南雪災了, 歐美反而熱死人了, 北極熊不能冬眠而黑眼圈了, 加拿大的土撥鼠春天未來就見到自己的影了, 無花果(之外的花花樹樹)在夏天未到之前就開花了(太13:28-29); 都令我對啟示錄的數段經文有更深切強烈更沉重嚴肅以致刻不緩的新感受, 當然也製造出更多新的(可能是舊的)問題: 這是世界末日的序曲嗎?

聽到緬甸風災十萬人喪生, 百五萬人受災, 比南亞海嘯更厲害嘛? 西川8級地震, 地震範圍十多萬平方里, 比唐山更厲害嘛? 現在捐獻已超90億了, 我們的愛心比之前更大嘛? 災民的心情因為捐獻多了就快慰多一點嘛? 一次又一次的大堆數字, 可以道出災害的嚴重性, 但它們不能代表每個災民的心情/創傷, 我想災難「大」與「小」, 從1到10的破壞力, 在真正的災民心靈裡都是10級「大地震」. 多可憐!!

想到這裡, 聖靈忽然借馬太福音主耶穌論末世的話提醒我: 「只因不法的事增多, 許多人的愛心才漸漸冷淡了.」(太 24:12-13) 怎么辦好呢? 我的愛心有沒有冷淡了? 「災又來嗎? 幾多人呀? 損失多少呀? 啊! 這次小意思啦! 某年某地還可怕, 他們挺得住, 你們也成罷!」我真害怕有這些想法, 那份麻目令人寒心! 可是我不正是常常這樣子嗎?「你失業嗎? 看非洲的孤兒多慘, 你比他們好多呀!」「跟愛人爭鬧嘛? 你不學學人家西川地震, 你要珍惜眼前人.」對身邊的親朋, 我們的愛心有沒有漸漸冷淡了?

主耶穌接著說:「惟有忍耐到底的必然得救.」(太 24:14) 原來愛心是忍耐的因, 是忍耐的過程, 也是忍耐的果. 在看到解西川地震, 解放軍/救援隊/普通老百姓/災民的親人, 他們以愛心, 忍耐著少食少眠+酷熱的天氣+屍體的惡臭+衛生的環境+餘震的危險+決堤的危機, 不顧一切的同時又冷靜分析判斷, 用諸般智慧/方法/工具進行拯救. 這份大忍耐的愛心, 令災民的生命, 那本來絕望的火再燃點起來, 令我知道人間有情, 即使人類令這地球烏煙瘴氣, 生態環境變差以致各地災害連連, 但原來神在這世間上還是充充滿愛, 恩典和生命的.

神是那以災害作弄人的變態殺手嗎? 不是. 戰爭是人為的, 饑荒/疫症/天災間接是戰火/破壞環保/先進國家消費過度/經濟掛師,的結果, 也有不能解釋的. 無論原因如何, 人如何在當中挺住呢? 如何生出忍耐呢? 這正是啟示錄將災害擺在天上敬拜的片段中的因由, 神和千萬天使為災民禱告, 是天使唱詩像啦啦隊一樣鼓勵我們. 「孩子們! 挺住!」是神預先透過啟示錄告訴我們, 歷史中的傷痛翻不了天, 擋不住神的愛, 掩不住人間有情. 是神多次減低/止住了災害的傷亡, 是祂答應再來重建地球村成為新天新地. 我們正如埋在瓦礫的人, 本來等侯死亡, 卻遇見了救主.所以, 啟示錄不是一本可怕言及世界滅亡的書, 乃是向活在水深火熱地球村的我們宣告盼望祝福的 preview.

現在, 「讓我們為這地求平安, 這地得平安, 我們也因此得平安.」盼望我們的愛心常常這樣火熱, 在大小事情上, 也表達堅忍的愛心. 讓我們向解放軍/救援隊的辛勞致敬. 向必要快來的救主獻上地上的敬拜. 請繼續為災民/為身邊的「災民」代禱和施援手, 他們正需要你我.

(補充:剛看完CCTV/TVB 新聞,提到家長追究害死他們兒女的兇手,他們認為兇手不是「發動」地震的「老天爺」,而是興建學校如豆腐渣的貪官or奸商(其他樓宇破壞較少).可見地震 是自然現象,但傷亡程度中的人為因素也是蠻大的.這是聖經說:「將絆腳石放在路上,讓有視力障礙的人跌倒」的例子.是神的錯?是那跌倒之人的錯?還是沒有 細心清理道路者的錯?跌倒了,神為我們裹傷,走不動了,神背負我們,雖然聽到我們不住的埋怨和將錯處歸究於祂.因為神是愛.)

我的眼睛濕濕的(1)

內地雪災, 緬甸風災, 到上星期的四川地震, 一個又一個的天災, 可憐了失去親人, 家園盡毀, 欲哭無淚的災民. 面對著無情的災害, 在新聞報道上看到了人性最善良和最醜惡的一面:

1) 即時親臨災區的中國政府領導人 vs 妄顧人民生死攔阻救援隊伍的緬甸軍政府;

2) 不眠不休, 不怕生死, 排除萬難修橋補路, 寫一紙遺書走進災區拯救的人民解放軍 vs 趁災自肥的緬甸軍隊;

3) 跟「死神」搏鬥30小時, 72小時, 100 小時, 甚至160小時的幸存者, 是單憑「幸」運而「存」活嗎? 是上天恩典, 堅毅意志以及忘我拯救的結果;

4) 有人翻山越嶺跑到災區尋找親人 + 有守在親人旁邊等侯救援 + 有手無寸具, 災後不逃命在救援隊未到之先拯救素未謀面陌路人的熱心人;

5) 扶老攜幼, 手望相助的上山避禍 + 災後分發物資仍然守紀律的良好情操;

6) 在瓦礫下絕處逢生的求生智慧: 食煙絲/紙巾/作業薄/飲尿(用鞋/布/樽盛著), 為了不入睡而為鐘錶不斷上鏈/用電筒照明讀書/啍歌兒/不住想念親人, 在漆黑中互相鼓勵/車輪式向外呼喊;

7) 兩夫婦情人生死相依, 在瓦礫下的海誓山盟 + 老師為保護學生安全盡快離開而犧牲 + 父親徒手挖幾小時救兒女 + 父母用血肉身軀保護兒女犧牲 + 大難不死的戀人學懂珍惜眼前人, 跑去結婚(有200多對);

8) 地震時跳六層樓得救勇敢的小妹妹(之後救人) + 智慧地躲在牆角待一切平靜再走出來的小哥哥 + 用20cm長的工具在隊道中打出一通道自救的泥頭車司機 + 賭性子逃學(當日)而避過一劫的小學生;

9) 迅速而傾力捐獻的香港同胞/海外同胞 vs 無良借振災騙財的人渣;

10) 即時援手的日本/韓國/香港/俄國/台灣的政府 vs 慢吞吞後知後覺還想狡辯的加拿大政府, 人家是救援, 她真是「夠緩」;

11) 不畏艱幸實地採訪的記者s vs 對南亞海嘯和四川地震作大細超報導(因遊客不多)的某些外國傳媒, 以致人神共憤, 嘩眾取寵的生果日報/專欄作家李怡的<<天遣論>>(97之前不少港人愛聽他, 現在難道還有他這樣的市場嗎?)/網上再火上加油的林忌(改版<<始終有你>>的出位詞人);

每天不斷追讀新聞, 叫我這七天眼睛濕濕的, 連睡也不能安樂. 我也恨自己除了讀新聞, 禱告, 捐獻, 和鼓勵別人這樣子, 就真的不知也不能作什么. 眼前挑戰也是一大堆的: 水灞的危險, 疫症的防範, 災民身心的治療, 孤兒的安置, 家園的重建....不容易呀!

「讓我們為這地求平安, 這地得平安, 我們也因此得平安.」Bilibala在神面前也有些反思, 在下一篇分享.

買得太遲

「最心痛是, 買得太遲」, 市面上既 laptop, 有九成已由Window XP轉用Vista, 只有Dell既small business model同Tiger Direct既一D old model先有XP既貨.

自己部Acer買左2年半, 開始「腎腎」地, 係時侯換但又遲遲唔捨得換, 這點之前也有blog上提過. 4月初請Ronald幫我落order, 結果在一日後, 他還未落order之前又請佢cancel左. 要知道(對Billy而言), 買laptop係一個必定虧錢既投資, 無論你部腦幾快幾靚幾多功能都好, 3-5年之後都比十斤豬腦更唔值錢. 假如將同樣既錢擺落 B&L Equity Value Fund, 可以番一番(有冇呀?), trade off咁大, 你話幾大掙扎!! 再者, 屋企已經有3部豬腦, 再買第4部, 將部Acer當DVD player咁擺入房? 有冇必要?

5月中, 結果都係買左部新 laptop, 理由係:

1) 應承過神, 應承過自己, 假如每星期 consistent咁去做gym, 先可以買laptop, 當獎勵, 依家做到;

2) 聽到微軟話將停止生產XP(開始驚), Dell又出新model, 13.3" LCD monitor, 超薄超轉機身, 配2GB記億體同webcam, $531+ tax再加蝸牛形(Ronald) discount (仲有 +30% tax refund), 太吸引;

3) 部Acer又唔生性, 整定都唔惦 :< (咁耐先唔惦, 在Billy來說是恩典了.

3) 最近 B&L Equity Value Fund又做得唔錯, 4月創 historical最大單月$升幅, 一洗1至3月的跌勢. 要獎勵下自己;

4) 公司為左留住我, 唔係<<加Far紅>>, 但加花紅;

5) 因為家費問題, Billy決定cancel去郵輪, 改為去 New York旅行, 買多架新車,以及其地開支這三個決定, 將會額外省下5-6千蚊備用.

要買野通常大條道理, 回想過去幾個月, 總意係: 好感謝神!! 有機會會逐點分享多D.

飯桶先係總統 (2)

牛頭牌係豐華加到$17.99一包, 簡直係搶, D公公婆婆搬米行得唔遠, 焗住幫襯佢, 可以點? 不過, 米由$300/頓加到$1000, 全球出現大米搶購和囤積, 不如一齊聽Twins既<<老鼠愛大米>>, 應下景. 除左大米, 玉米/大豆/小麥/都加30%-130%不等.

上回問: 通脹係咪可怕? Depends on 站在什么立場. 話說回來, 高話高, 加拿大1.8%, 香港5.3%, 中國8.5%, compare to 上世紀70年代, 其實唔多, compare津巴布韋07年 10,000%通脹, 抱住大包錢紙(2500 萬cash)買一條麵包, 我地簡直幸福.

就middle class立場, 油錢double or food price double, 即使開支double, 其實afford到, 或者我地係時候想想究竟我地生活係咪冇左車就唔得, 唔食貴餐廳就好慘. 工作8年, Billy家庭總開支其實冇乜點加, 都係3萬幾蚊左右. 最貴係屋既management fees + property tax. 其次係食, 油錢係好次要(even日日出車). Even食, 其實control到, 出少D街, 飲少杯野.

就投資立場, inflation令asset value go up, 但liability通常就stay, 所以其實有asset, inflation is good. 那怕 return minus inflation 可能係負. 假如每年開支3萬5, $5,000食, $2,000油, 加40%食, 加20%油, 不過係$2,400. Overall expenses也不過加6.8%. 如果人工$50,000, 加3%, asset $50,000加3%, 都己經$3,000, 夠cover inflation. 所以 recession永遠比 inflation可怕. 97金融風暴, 樓價drop 54%, 當你唔見左150萬, 就算D野平一半又有乜用?

今次美國次按, 大城市樓價平均跌兩成, asset drop plus expense up係比較痛苦. 其實都有 提醒: 1) 消費者借錢買自己能力負擔唔到既大屋, 負擔得到就按番出來再借, 去買靚車同消費; 2) 銀行為左盈利not only賺, but每年不斷上升並beat expectation, 唔理壞帳同物業下跌風險搏命放數; 3) 政府唔監管同限制; 係咪唔消費會死? 係咪冇增長就唔惦? 世界另一邊, 又或者係我地周圍, 有好多人享受唔到經濟起飛既成果, 但油升糧升卻首先suffer. 而我地就為被逼減少消費而憂愁, 其實我地係足夠.

讀雅各書, 提醒是:你們在這末世, 只知積儹錢財(capitalism). 工人給你們收割莊稼(unfairly low cost labours), 你們虧欠他們的工錢. 這工錢有聲音呼叫. 並且那收割之人的冤聲, 已經入了萬軍之主的耳了. 你們在世上享美福, 好宴樂、當宰殺的日子竟嬌養你們的心(consumerism/individualism)